«Dr gleitigscht Diessbacher» vom 27. April 2024

Zur 31. Ustragig vom «gleitigscht Diessbacher» hei sech 166 Chind – 83 Meitschi und 83 Giele - agmäudet. 157 Sprinter u Sprinterinne hei probiert sech gägesitig z überhole u sech so zu Höchstleistige agspornt. Soviu Chind wie no nie hei sech o für die lengeri Distanz über 600 oder 1000m entschiede.

Zahlriichi Eutere u Verwandti hei d Löifer u Löiferinne agfüret, aber o ds gmüetleche Zämesi u d Uswahl am Verpflegigsstand gnosse. Zwüsche de Löif hei aui Teilnähmende no d Glägeheit gha bir Vrlosig e Überraschigspriis z gwinne, unabhängig drvo wie schnäu d Bei si gsi. Bi schönem Früehligswätter het o d Plouschstafette wieder chönne stattfinde u dä glungnig Alass zum ne schöne Abschluss brunge. Es het gfägt!