«Dr gleitigscht Diessbacher»
vom 26. April 2025

Es hei sech 160 Chind – 79 Meitschi und 81 Giele – agmäudet u vou Begeischterig ihres Beschte gä. Bi guete Wätterbedingige hei d' Sprints, d' Usduurlöif u d' Familieplouschstafette chönne stattfinde. Zahlriichi Eutere u Verwandti hei die gueti Stimmung gnosse u mitgfieberet. D' Verlosig vo 16 Überraschungspriise u d' Medaillevrgab hei für Emotione gsorgt u aui Chind chöi stolz si uf das, was sie erreicht hei. Bravo!

Zu de Impressione /Biuder

Mir gratuliere
zu aune Leischtige!

Ranglischte 2025

Sprint

600/1000m Louf

I ha mi qualifiziert für «die schnällschte Oberländer» / Kantonalfinal...

Was isch eigentlech
«dr gleitigscht Diessbacher»?

«Dr gleitigscht Diessbacher» isch Dä Sportalass für Ching us Oberdiessbach, Aeschle, Bleike, Bränzikofe, Herblige u Linde.

Du rennsch imne 50/60/80m Sprint und/oder 600/1000m Louf gäge Gliichauteregi.

We du schnäu gnue bisch, winkt dir

d' Qualifikation für «die schnällschte Oberländer»

oder du chasch sogar a Kantonalfinal.

Diszipline nach Jahrgang

Startgäut:

Ei Disziplin choschtet 5 Franke, we du im Sprint u im 600/1000m Louf startisch, zausch 7.-.
Dr Betrag wird diräkt am Alass bar oder mit Twint ikassiert.

Jahrgang 2011 / 2012
80m und/oder 1000m Louf
Jahrgang 2013 / 2014 / 2015 / 2016
60m und/oder 1000m Louf
Jahrgang 2017 / 2018 / 2019 / 2020 u jünger
50m und/oder 600m Louf

I wott mi amäude

Chunnsch
o ids Probetraining?

Du hesch d' Müglechkeit a eim vo de zwöi Probetrainings gratis u ohni Amäudig teilznäh. Gleitet wird das Training vor Liechtathletik-Nachwuchsgruppe Oberdiessbach.

Zischtig, 21. April oder Donnschtig,

23. April vo 18:00 - 19:30

Träffpunkt isch bim Sekundarschuelhuus Oberdiessbach. (Für Chind abem 1. Chindergartejahr)