Zum 30. Jubiläum si 154 Chind am «gleitigscht Diessbacher» gstartet. 84 Meitschi  u 70 Giele si im Sprint und/oder 1000m Louf um d' Wett gloffe. Näbscht em spannende Wettkampf het d' Präsidentin vom Turnverein Oberdiessbach d' Andrea Neuenschwander im Interview uf die letschtä 30 Jahr zrügg gluegt u d' Verlosig vo 30 Priisä het für positivi Ufregig gsorget. Abgrundet isch dä Tag dürnä Plousch-Stafette mit Eutere u Chind wordä. Schön isches gsi!