Trotz schlächte Wätterprognose hei sich 168 Chind d' Chance nid lah näh, am 29. «gleitigscht Diessbacher» z' starte. So viu wie no nie! 
92 Meitschi  u 76 Giele si im Sprint und/oder 1000m Louf um d' Wett gloffe. Eis vo de Highlights am Tag, isch d' Awäseheit vor Muswama Kambundji gsi, dr Bärner Sprinterin. Sie het im Interview ä Iiblick i ihres Sportlerinneläbe ermüglechet und bim gmeinsame Ufwärme d' Chind begeischteret.